الجزء الاول من اروع القصص الطويله

الجز الاول

/ ألوووووووووو
/ بس .. بس عورتي أذني يالمزعجة
/ مريووومه الحلوه .. وحشتيني مووت .. افرشي لي السجاد الاحمر وانثري الورد على كبر حديقة بيتكم .. بعد نص ساعة بيي
مريم بصوت كله نوم/ وجع .. شييبج بيتنا من صباح الله خير .. سارو رقدي احسن توى الناس على بيتنا حفلة عيد ميلادي مب الحين
ساره / انتي من صجج بترقدين .. اقول قومي تراني ما امزح اكا فطوم تتسبح بس تخلص بنييج .. اتصلتي لمي .. تراج اذا ما اتصلتي انا بتصل لها

مريم / خلاص يا ساره .. قمت يا ساره .. ارحميني يا ساره .. الشره مو عليج على الغبية اللي ما سكرت تلفونها وما خلته على السايلنت

ساره بانتصار / هههههههههههه خلج جذي .. تعجبيني .. بنات ما يمشون الا بالعين الحمره .. سمعي احنا بنمر ميون واحنا يايين بالطريق تبين نييب لج ريوق معانا

مريم / لا تتريقون عني يالخاينات .. انا الحين بتصل في نانا وبخليها تجهز لنا احلى ريوق والجو زين نقعد بالحديقة ونتريق

ساره / ليش وين عمي ومرت عمي ؟؟ ولا مفضيين البيت عشانه

مريم / الماما والبابا مسافرين دبي من امس العصر وبيرجعون في الليل لين قربت تخلص الحفلة

ساره بفرح / يا عيني ولا احلى هذا احلى خبر سمعته اليوم يعني بنعيش وبنعنش على كيف كيفنا لا حسيب ولا رقيب

مريم / اي افرحي على كيف كيفج انتي وكل البنات بنقلب البيت فوق تحت

ساره بمكر / وبتعزمين اللي بالي بالج

مريم بحالمية / وهذي يبيلها سؤال أول الحضور طبعا

ساره / خلاص انا بسكر عشان فطوم خلصت .. نتلاقى في بيتكم حبيبتي .. تآمرين على شي غلاتي

مريم / اوكو باباي ... ولا اقولج سجايري خلصوا انتي تعرفين شنو استخدم يبيلي كرتون مو قوطي (علبة) يالزطية

ساره بإنفعال / انا زطية يا............

مريم / سوسو يالله لاتتأخرون عليّ .. باي

ساره / أأأأأأأأأأأأأأخ بس لو ما احبج وانتي بنت عمي كنت قطعتج بأسناني

مريم / اكيد ما اهون على سارونة حبيبتي الغالية وتوأم روحي

سارة / شبعنا من الصبغ .. يالله انقلعي لا تأخرينا .. باي

مريم / بايات

سكرت مريم التلفون من حبيبتها وصديقتها وبنت عمها سارة

وراحت لتلفون غرفتها الثابت واتصلت على تلفون المطبخ بالانتر كوم/ ألو

مريم / نانا .. انا مريم

ام حميد مربية مريم من لما كان عمرها 3 سنوات ابوها جابها من ايران تربي بنتهم لانها محتاجة للشغل ولانه ما يوثق في اي احد يقرب من بنته تحب مريم وكأنها بنت من بناتها

ام حميد بابتسامه / ميريام .. سباه الخير جاني (صباح الخير حبيبتي)

مريم / نانا .. احبج مووت

ام حميد / ماريووومه .. شنو تبين .. انتي ما تقولين اهبج مووت الا تبين شي

مريم ضحكت لان اكثر وحدة تعرفها في البيت مربيتها / نانا .. ساره وفطوم وميون بيون نبي ريوق معتبر من يدينج الحلوه يا أحلى نانا بالدنيا

ام حميد / ان شاءالله ماما .. من أأعيوني (عيوني)

مريم / زين نانا ابي تجهزين لي حمامي الحين

ام حميد / ان شاءالله هلوتي (حلوتي)

سكرت مريم ودخلت الدرسنغ رووم تجهز ثيابها عبال ما يجهزون حمام الهنا لازم قبل ما تدخل الحمام يولعون لها الشموع الفواحة ويعطرون الحمام ويجهزون كريماتها وشامبوها الخاص

دخلت الحمام وشغلت ميوزك خاص فيها ما تقدر تاخذ حمامها بدونه

خلصت من حمامها ولبست روبها وطلعت بخطوات ناعمة ودخلت الدرسنغ روم ولبست تنورة لفوق الركبة سودة وكانت متناسقة على قوامها الرشيق ورجلينها الناعمة وبدي احمر لنص ذراعها ومرسوم عليه قطو باللمعة السوده مبين ضعف خصرها الفتان وتركت شعرها مفتوح حتى يجف بروحه وشعرها كان لنهاية ظهرها اسود بسواد الليل وفي لمعة الحرير وكثيف بشكل خيالي

طلعت من الدرسنغ روم وراحت للمراية الضخمة اللي بغرفتها وطلعة لها من صندوق مجوهراتها حلق ألماس صغير ناعم وسلسة بقلب صغير وفيه فص ألماس ولبست برجلها اليمين حجل بسيط فيه قلوب مثل السلسة

وراحت لكورنر المكياج بغرفتها وحطت فونديشن خفيف وناعم مثل لون بشرتها البيضا ورسمة عيونها الواسعة بالكحل الاسود الغامق بحيث انها بينت جمالها خصوصا لما غرقت رموشها الكثيفة بالمسكره ومشت حواجبها الكثيفة باصبعها عشان ترفعهم اكثر

وبعدها نزلت لخدودها المورده ونثرت البلاش الوردي بطريقة طبيعية وناعمة ومرت بالبروش على خشمها الضعيف والصغير

ووصلت لشفايفها الصغار بس مليانين حطت عليهم جلوس شفاف لان لونهم بطبيعتهم توتي حلو

ولما خلصت طلعت مره ثانية لغرفتها وفتحت كبتها وطلعة منه علبة العطر اللي يابه لها ابوها الصيف الماضي من فرنسا ورشت على نفسها بطريقة متساوية

ولما خلصت قعدت على كرسي التسريحة الصغير عشان تلبس صندلها الا وتسمع دق الهرن تركت الصندل وطلعت بسرعة البلكونة

مريم بفرح / هاااااااااااااااااااااااي .. نطروني بالحديقة الحين بنزل

مي صديقة مريم من ايام الكي جي 1 ثنتينهم بنات عز تربوا مع بعض على الحلوة والمرة
مي حلوة قصيرة بس مليانة شوي يعني جسمها حلو مو ضعيفة امتن من مريم لان مريم جسمها كله بالطول اما مي لا اقصر منها وملامحها هادئة وطبيعية بس جمالها عادي واللي غالب عليه اكثر الانوثة طاغية عليها بشكل رهيب شعرها نازل على كتوفها ودائما محلزن كيري طبيعي عيونها بنية فاتحة وبالشمس لونها يفتح اكثر بشرتها حنطية فاتحة مايلة للبياض وانفها طويل وشفايفها صغار بس مو مليانة
كانت لابسة بنطلون لنص ساقها جنز ازرق مع جاكيته وتحتهم بدي ابيض مرسوم عليهم فراشات ملونه

مي / ريمي يالله تراني ميتة يووووووووووووووع من الصبح ما كليت شي


ساره / بسج عاد بتخربين باقي جسمج من زود الاكل رحمي نفسج ورحمينا يالآفه

ساره بنت عم مريم وصديقتها وصديقة مي عمرها بنفس عمرهم الا ان الفرق بس شهور قليلة حلوة وجسمها يجنن طولها مو طبيعي ورشاقتها سر بصراحة وكأنها عارضة من عارضات الازياء ملامحها عادية واللي محلنها جسمها الخيال شعرها لنص ظهرها حريري ولونه غالب على الكستناء الغامق وعيونها ناعسة ورموشها كثيفة بشكل ملفت باقي ملامحها هادئة ومناسبة للونها البرونزي الفاتح
كانت لابسة فستان لفوق ركبتها بألوان ربيعية وبوت ابيض وقبعة بيضة

فاطمة / انا بعد يوعانة ابي اتريق .. تراكم ذبحتونا يووع .. لو ماكلة بالبيت ابرك لي من مجابل ويهكم

فاطمة اصغرهم عمرها 14 سنة بالصف الثامن ملامحها طفولية وكلشي فيها صغير بس غالب عليها السمار وفيها شبه كبير من اختها ساره كانت لابسة جنز سكني اسود وبدي كت اسود جسمها صغير ضعيفة بس فيها شوية طول

مريم / انا ييت بسكم عاد فضحتونا .. اللي يسمعكم يقول اهلكم ذابحينكم من اليوع

مي رمت روحها بحضن مريم / مريومه .. Happy Birthday to you مقدما .. وحشيتيني من البارحة ما شفتج

ساره / عنبوا من البارحة هي مو من شهر .. خلصونا بسكم تحضن في بعض

فاطمة بدت تعصب / اوووووووووووو .. اذيتوني ابي اتريق

مريم بعدت عن مي وراحت لفاطمة ومسكتها من كتوفها وهي تمشيها / فاتيييييي .. يخسي اليوع تعالي نانا جهزت لنا احلى ريوق اكلي لين تشبعين

قعدوا على طاولة الاكل وكان الجو عادي يعني مو حر وايد وظلوا حوالي ساعتين سوالف ووتخطيط لحفلة مريم الليلة

مريم / سوسو يبتي اللي قلتلج عليه ؟

ساره / اي حطيته لج داخل على الكرسي

مريم فتحت عيونها الى الاخر / ساره ياحمااااااااااااره .. انتي ينيتي .. تبين نانا تشوفهم وتقول للبابا

ساره / وانا شدراني وبعدين انتي خايفة من السجاير مو خايفة من اللي بصير الليلة

مريم / لا مو خايفة لانها بتنام من وقت وانتي تدرين اذا انا عندي حفلة هي ما تطلع الحديقة خير شر .. تعرفين بابا موصنها وهي ما تحب جو الحفلات

مي / خلاص اكا يبته .. الحمدلله ما شافته

مريم وهي تسحب الكرتون وتاخذ منها علبة كاملة و وتاخذ سيجارة وتحطها في فمها وباين عليها انها متنرفزة / افففففففففففففف .. مزاجي تعكر

ساره وباين عليها الزعل / مريم انتي تبين الكل يمشي على كيفج .. انا مو غلطتي صدقيني .. عطيتج اياه بيدج وانتي ماهتميتي .. شتبيني اسويلج

مريم ولا كأنها تسمع تشفط السجاير ولا على بالها

مي حبت تلطف الجو / خلاص سوسو مريوم قلبها طيب وما كانت تقصد .. بعدين اليوم حفلتها مايصير نتزاعل على سبب سخيف

مريم خلصت سجاره وولعت الثانية على طول / انا مو زعلانة .. عصبت عليج عشان تنتبيهين هالمرة

ساره / خلاص مريم انا متعودة عليج انتي ما تغلطين ابد

فاطمة / والله مللتوني .. لو راقدة بالبيت كان ابرك لي من مقابلكم قاعدين تتهاوشون لي وانا ابي استانس اليوم عيد ميلاد ريمي .. يعني بنسوي كل اللي ما يخطر على البال

مريم / خلاص ما صار شي .. بعد شوي بجهزون المكان للحفلة خلونا ندخل داخل


ساره وماعجبها تصرف مريم بس سكتت ومشتها لها الدلال والدلع افسد اخلاقها وخلاها ماتهتم حتى بمشاعر الناس غرورها خلاها تشوف الناس اقل منها وبيني وبينكم يحق لها الدلع والغرور مال وجمال وبنت اكبر تاجر بالبلد وما عنده غيرها كل شي تطلبه تحت يدها عمرها محد رفض لها طلب

قعدوا بجناح مريم للعصر بعدها ياهم الكوافيير طبعا رجال لبناني لانهم مستحيل يسلمون شعرهم لمره وبدأ يشتغل بشعرهم وحدة ورى الثانية وطبعا مريم آخر وحدة

إياد / ميمي .. شو بدك اعمل شعراتك .. بدك ارفعهن كلن ولا اتركهن مفرودين

مريم وهي تقلب بالمجلة / إياد ابي شي حلو .. ما سويته من قبل مع اني متأكدة ان ماعندك شي جديد وذوق مو كلش صار مال الاول

اياد وهو يبتسم ولا كأن سامع شي / ولو ميمي احلى تسريحه لاحلى ميمي

مريم وهي تأفأف : افففففففففف خلاص اياد خلصني .. ياحبك للهذرة بس

يت ساره ولا كأن صار شي يا طيب قلبج يا ساره / مريوم .. هذا بدر يبي يسلم عليج و .........

مريم بمزاج متعكر / اوووووووو ساره سلمي عليه مالي خلق

ساره ما انصدمت من حركة مريم لانها متعوده عليها وسوء معاملتها لاخوها بدر اللي يموت على شي اسمه مريم يموت على التراب اللي تمشي عليها
بدر يصير ولد عم مريم بس من ام ثانية امه ايرانية وعاش معاها فترة بايران وتوى من 5 سنين راجع البحرين لما توفت امه يشتغل طيار.. حلو ووسيم طويل وجسمه رياضي.. ابيض وشعره اسود كثيف.. عيونه رمادية وخشمه طويل.. وشفايفة عادية ملتحي على خفيف أخلاقه حلوة

فاطمة شافت حركة مريم وكسر خاطرها اخوها وسبحت التلفون من يد سارة / بدوري حبيب قلبي .. متى توصل .. الله يالدنيا بتييب هدية بس لريمي وانا وسوسو وميون لنا الله .. خلاص زعلت

وكملت فاطمة مكالمتها مع اخوها ومريم ولا كأن صاير شي وخصوصا لما يت الخدامة الخاصة بأظافرها تشتغل فيهم وتزينهم عشان الحفلة واياد يشتغل بشعرها

مي وساره بصوت واحد / واااااااااااااااااو .. جنان

اياد وهو فرحان بانجازاته / مرسي يا أمامير

مريم من غير نفس / عادي مو ذاك الزود .. يسلمو اياد

اياد مو مصدق انها قالت يسلمو / اهم شي رضاكي .. وازا ما عجبك بعملك شي تاني

مريم /خلاص .. ماعندي غيرك الحين الماكييرا بتحط لي ماكياجي

راح اياد وبدت الماكييرات يمكيجون البنوتات واول وحدة خلصت فاطمة لان مكياجها كان نعومي لابعد درجة ومتناسب مع صغر سنها كان الاي شدو موزع على عيونها بطريقة عشوائية بألوان البنك والفضي وممزوج بالكحل الاسود وبلاش زهري مناسب لسمار بشرتها وجلوس وردي بلمعة فضية ولبست فستان بألوان الزهر المتفاوتة كان شيفون ومتواصل بأساور لفوق الرقبه والظهر عاري وواصل لفوق الركبة كان الفستان ناعم وبسيط ومناسب جسمها ولبست حلق كريستال بلون الزهر وصندل زهري وفيه خيوط فضية على طول الساق

فاطمة بعفوية / انا جاهزة

مي / حلوة وامورة وتهبلين بعد .. بس سكتي خلينا نخلص لان العالم الحين بييون واحنا للحين ما جهزنا

ساره / مي شفيج انتي خلصتي تقريبا الا الدور والباقي علي انا ومريومه

مي كانت لابسة فستان ازرق تركواز حرير ضاغط عليها بالكامل سادة وفيها كرستالات على طول الظهر ومسير من فوق عند الصدر وصاير على شكل مثلث لتحت الركبة ومعاه صندل ذهبي بكعب عالي كان مكياجها ولا اروع اخضر سموك خفيف بارز جمال لون عيونها وشعرها على طبيعته ويفي طبيعي مع شوية لمة

مي / اي جهزت تقول للحين ما لبست الاكسسريز

سارة / لبسيهم شتنطرين بعد .. خلف الله علي باقي علي ألبس فستاني

مريم تسمعهم وهي مطنشة لانها حاطة المايك بإذنها ما تبي يتعكر مزاجها اكثر

طلعت سارة من الدرسنغ روم

فاطمة انتبهت لها / واااااااااااااااااااااااااااااااو .. انتي اختي مستحيل اصدق

دارت عليها مي وانبهرت بشكلها / شنو هذا خلاص انا مب طالعة .. شنو هالفستان شنو هالجسم يا عيني ياعيني

استحت ساره من كلامهم وابتسمت وحاولت تلهي نفسها عنهم

كانت لابسة فستان اسود ولابسة فوق شال من الفرو ومنساب على جسمها بطريقة خيال كان خليط بين الحرير وفوقه طبقات من الستن والشيفون على طول جسمها ولابسة اكسسريز فضية روعة اهديتهم اياها بنت عمها مريم بعيد ميلادها وكان لونها البرونزي حلو ماكثرت بالمكياج حط اي شدو فضي سموك وجلوس شفاف اما بلاش ما حطت لان لونها كله على بعضة بلاش

ساره وهي تكلم مي / للحين ما خلصت والناس بت تيي خلينا ننزل احين

مي / اي صح .. يالله فاتو خلينا ننزل اكا سيارتين يوا اكيد البنات

نزلوا البنات وخلوا مريم مع الماكييرا تتمكيج بس انصدموا لما نزلوا كان في ناس وايد والشباب اكثر من البنات

مي بفرح / واااااانااااااااسة .. حمود وعبود يوا

ساره / حتى جسوم

فاطمة / بدوري حبيبي

ساره منصدمة / وينه

فاطمة / اكا شوفيه ياي ببدلة الشغل .. اكيد توى واصل من المطار

وراحوا سارة وفاطمة يسلمون على اخوهم ومي حست بالاحراج وابتعدت عنهم وراحت لربعهم بالجامعة عشان تسلم عليهم بس بعد نص ساعة وبعد ما الكل حضراستفقدت مريم وصعدت لها غرفتها تشوفها ما شافتها بالغرفة طقت عليها باب الدرسنغ روم

مي / مريوم يالله الناس تنطرج

مريم / خلاص نازلة وراج روحي انتي

نزلت مي وراحت لستيج المسرح واخذت المايك من الفرقة / هلللللللللللللللو ايفري بدي .. حبيت اخبركم ان أميرة الحفلة نازلة بعد لحضات .. هااااااااا جاهزين

الحضور / جاهزين

انطفأت الاضواء والكل يرقب حضور الاميره ريمي مثل ما يسميها ابوها

وبدأت تتعالي كلمات اغنية خالد فؤاد مع كل درجة تنزلها من الدرج الخارجي على الحديقة


نعم أعذب نعم أحلى
نعم أجمل بنات الكون
نعممريمفي طلتها تساوي من القمر مليون
نعممريمفي ضحكتها تلون كل وردة بلون
نعم الرقة و الطيبة
نعم أحلى هدب و عيون

مريم نورها ليلاه تحول هالمسا لصباح
و إذا فجأة تجي و تقبل تملي هالسما أفراح
لو نوصف مزاياها أبد الأوصاف ما يكفون
نعممريمفي طلتها تساوي من القمر مليون

عسى ربي يهنيها
سعادة و حب يخليها
و تبقى الفرحة يا ربي أبد ما تفارق عنيها
عسى الخيرات يا ربي معاها دوم يتلاقون
نعممريمفي طلتها تساوي من القمر مليون

كانت تمشي بخطوات ثقيلة وعيونها مليانة غرور كان وسعها ذباح محكلة بسواد ممزوج مع بألوان والكرز المتدرجة لنهاية عينها بطريقة ناعمة وجذابة ورموشها منسابين على عيونها بطريقة روعة مبينين وسع عيونها وبشرتها كانت صافيه والبلاش على خدودها منثور بشكل خفيف وناعم اما شفايفها غطتهم بروج احمر فاقع بس بدون جلوس تكفيه جمال شفايفها وصغرهم واللمعة البسيطة اللي بالروج كان شعرها نص مرفوع تسريحة ناعمة من قدام بف وشوية تموجات فيها حبات الكرز من الكرستال الاصلي والباقي نازل على ظهرها ومغطي عليه لان فستانها الظهر مكشوف وماسك بخيوط ضعيفة كان فستانها احمر بلون الكرز ومن فوق قص بدون اكمام وساده عند الخصر كرستال احمر بسيط وناعم وتحت منفوخ شوي مثل فساتين نجمات هوليود وطويل بذيل طويل بعد ومن تحت لابسة صندل احمر مثل قماش الفستان مكون من سيور رفيعة مثل اللي ورى ظهرها وكانت لافة على رقبتها عقد ألماس وكانت الماسات بالون الاحمر واللون الشفاف كان شكله رهيب على رقبتها عاطيها بريق وجمال رائع وحلق مثل الطقم بالضبط بس صغار وناعمين وشكلهم ملفت للنظر واساور تابعة للطقم وساعة ألماس بياقوت احمر شكلها كان مو طبيعي تنزل خطوة خطوة وتمشي بدلال والكل منبهر بجمالها الخلاب واغلب الشباب فاتحين فمهم من الدهشة واولهم بدر كانت عيونه تدمع من الفرحة مو مصدق الملاك اللي يشوفه كان يتمنى تخلص الاغنية وتوصل لاخر درجة ويروح يركض لها ويهنيها بعيدها يبي يسبق الزمن ويكون اول واحد يكلمها كان وده ياخذها ويطلع لبره الحفلة ياخذها لمكان يكون هو بس موجود فيه يبي يكون عالمها الخاص ما يبي احد يجي ويعكر عليهم بس صحى من حلمه لما شاف الكل تجمع عليها

انتظر لما بعدوا عنها شوي وبدت الموسيقى الصاخبة والاغاني والكل راح يرقص قرب منها بتردد

بدر / كل عام وانتي بألف خير يالغالية

مريم بابتسامة باهته / هلا بدر .. مو كأني سمعت انك مو ياي .. عندك رحلة

بدر بفرح وتفاؤل لانها سألت عنه / اي حبيت اسويلج مفاجئة

وعطاها الهدية وهي عباره عن علبة مغلفة

مريم بدون اهتمام / مشكور ليش كلفت على نفسك .. ماري حطيها مع باقي الهدايا

بدر بهاللحظة عاش بحالة صدمة مو مستوعب الحركة اللي سوتها مريم قدامه ما تكلم ولا نطق بأي كلمة

مريم / عن اذنك بدر بروح ارقص مع ربعي

راحت وتركته المسكين منصدم بعد ما حس بالضييقة ما قدر يتحمل مشى من الحفلة واخته عيونها تلحقه بس ما قدرت توقفه او تكلمه لانها فهمته اكثر من مرة ان مريم مو له وماتصلح له بس هو متعلق فيها لابعد الحدود وحبه لها فوق طاقته حب خيالي عايش عليه ما يقدر يحيا بدونه

اما مريم راحت بأنظارها على كل الموجودين / اففففففففففففف وينه .. ليش ما يرد

مي بفرح / مريوم يالله نطفي الشموع .. الحين بيي ابوج وانتي ماطفيتي الشمعة وبتخترب الحفلة شوفي الساعة 1

مريم وهي معصبة : اووووووووو مي مالي مزاج وما ابي اسوي شي

مي / اي ليش عاد

مريم / بدون ليش أيوب مايه .. خلاص ما ابي شي

مي / خلاص مريم لاتصيحين وتخربين حفلتج .. اذا مايه كيفه .. انتي لا تزعلين

......... / ومن اللي مابيي .. احد يفوت شوفة هالقمر الاحمر

مريم وحالها تغيير 180 درجة مو مصدقة اللي تشوفه / حبيبي .. خفت انك ما تيي

ايوب / وانا اقدر افوت هاللمة الحلوة

ايوب ولد صديق ابو مريم وهو اكبر منها ب6 سنين مدير عام لشركة ابوه بس ثروة ابوه ماتجي ربع ثروة ابو مريم مغرور ومتكبر وعنده طبع تملكي شعره خفيف ورايح على ورى ودائما يلمع بالجل جسمه عادي بس مو متين مليان شوي اسمر وفيه سكسوكه خفيفة وخشمة طويل كان لابس جنز ازرق لو ويست وقميص ابيض وكابس اسود

مريم بفرح ومو دارية من الوناسة شتسوي عشان ترضيه / تعشيت .. من شوي شالوا البوفيه عشان نطفي الشموع

ايوب / تعشيت ويا الربع في المزرعة .. انا جاي اكل الحلاوة بس

مريم بحسن نية / يالله نطفي الشموع لان الماما والبابا يايين بعد نص ساعة ما يمديني اقعد معاك على راحتي

ايوب / ااااااااخ بس .. يالله مو مشكلة نطفي الشموع واعطيج هديتج واروح

مريم بزعل / اي مو لانك ما ييت الا متأخر

ايوب بدى يتملل / مريوم خلاص .. لا تضيعين الوقت بعدين اييون اهلج وما طفتي الشموع

للاسف مامداهم يكلمون كلامهم الا والروز رايس وصلت

سارة ومي من بعيد / مريم اهلج يو

مريم باحباط / لالالالالالالالالالالالالالالالا

ايوب وهو حاضنها وبايسها في رقبتها بدون ما تحس / حبيبتي هذي هديتي

مريم منصدمة وخايفة بعدت عنه بسرعة / ايوب انت شتسوي ؟؟

ايوب بابتسامة مكر / اهنيج حبيتي ولا اشرايج مو انتي حبيبتي

مريم بقرف / خلاص انا بروح بتيي ولا لاء؟؟

ايوب / حبيبتي تعرفين ابوج يعرفني واذا كنت موجود بيسوي لي سالفة

مريم وهي ماشية / خدا حافظ

وبعدها على طول راح ايوب وترك مريم مقهورة منه ومن حركته بس القهر اللي اكبر منه انها تحبه ومتعلقة فيه وكلامه اوامر عليها ودائما تبي ترضيه حتى لو على حساب غرورها

مريم ركضت لحضن ابوها وبصراحة الفرحة كانت اكبر لما شافت ابوها وامها معاها لحظة انها تطفى شمعتها العشرين كانت فرحانة وحصلت على هدايا وايد امها يابت لها شنطة هدايا اما ابوها فبعد ما طفت الشمعة ودفنت نفسها في حضنه عطاها علبة مخمل

ابو مريم / افتحيها بابا

مريم وهي فاتحة عيونها وفمها على الاخر / وااااااااااااااااااااااو .. فيراري حقي

ابو مريم / اكيد حقج بس ها هالله هالله بالسرعة انا خليتهم يقفلونها لج ماتزيد عن 120

مريم / مو مهم اهم شي فيراري .. بابا اموت فيك

ابو مريم / يالله اخليكم تكملون الحفلة واحنا ندخل نرتاح .. اخذوا راحتكم

سارة / ان شاءالله عموا لا توصي حريص

بدت اغاني السلو وقعدوا البنات يرقصون مع الشباب <<<<<<<<<< خراب

صارت الساعة 3 والكل راح حتى سارة وفاطمة وخصوصا لان بدر موجود في البيت ما قدروا يظلون اكثر

مي قعدت مع مريم وضلوا يسولفون مع بعض بعد ما الكل راح ومابقوا الا هم

مي / اكيد ما كان يقصد يا مريوم بس انتي صايره دلوعة شوي اهم شي انه ياج يهنيج بنفسه

مريم / والله ما ادري يا مي ما عجبتني حركته انا مو رخيصة يسويلي هالحركة الوصخة .. وبعدين انتي شفتيه متى يه على الساعة 1 وانا منبهة عليه ولا 10 مرات قلتله اهلي بيون من دبي تعالي من وقت ..

مي / الحين لاتفكرين فيه .. وخلينا نقوم نفتح الهدايا وبنبدل ثيابنا ونرقد احسن

مريم / اي والله السنة وايد حصلت هدايا

دخلوا داخل البيت الا مريم تذكرت انها ناسية تلفونها برى على الطاولة / ميون تلفوني تحت اسبقيني الحين بييج

مي / لا انا بنطرج على الدرج

طلعت برى تلفلف بصرها على الطاولات بس ما لقت تلفونها / ميون دقي على تلفوني ما اشوفه

وراحت تتمشي بين الطاولات اللي بعيدة شوي وصلت لنهاية الحديقة وهي تدور تلفونها وهي تمشي اصطدمت بشي وطاحت على ظهرها ولما قامت وشافت اللي اصطدمت فيه صرخت بكل قوتها / لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالا

والكل سمع صوت صرختها واولهم مي اللي طلعت لها تركض وابوها اللي انفزع من صوتها وكل الخدم الحراس